مقالات
ايمن كبوش يكتب : (مصايبنا يعزو فيها)
(1)
لم يعد هناك وقت كاف للوقوف عند الكوارث التي تقع هنا، وهناك، لذلك سوف نتعامل مع (جلطات) لجنة التطبيع المتكررة في التسجيلات، والانتدابات الخاصة على مستوى اللاعبين الاجانب، بمنطق (المقدور كان وقع ما بينفع الجقليب).. و(المقدر كان نفذ كتر البتابت عيب).. نمضي الى الامام اه، ولكن، للاسف، نحن لا نتوقع واقعا مختلفا، لان كل شيء يجري الان بمباصرة القديم المعاد.. حماس العليقي مع (شورة بعض الناس العرفو الكورة كباااااار).. ومن ثم الوصول الى ذات العجين..
(2)
قلت له: ناسنا ديل لو فيهم (حبة عقل) يقوموا يعلّقوا (سنغالي برشلونة) المضروب ده في السيستم.. لانو اصلا ما جاهز يدخل الملعب.. ويواصل تدريباتو.. عشان الدولارات دي ما تضيع ساكت.. ويرفعوا جمعة قلق للكشف الافريقي.. بعدين ما اي حاجة بقولا (موتا) معناها صحيحة وواقعة من السماء.. موتا ذاتو مباري ليهو سماسرة سايقين العليقي بالخلا.. والا كيف تجيب لينا اجنبي (واقف) من اللعب وانت عارف انو نحن عايزنو في المجموعات.. طبعا موتا عشان يداري خجلتو مع موضوع سمؤال ح يلعب صلاح عادل في الطرف الايمن.. ويقول لى سمؤال انت وزنك زايد وعييييك يكون الهلال الوقت داك بقى (المحلي داخل عطبرة).
(3)
يا جماعة.. يا اهلي واهلتي.. المريخ ده برضك عندو (سماسرة ومافيا) ومن مصلحة هذه المافيا انو الفريق الاحمر يلعب (بره السودان).. عشان (الكومشنات) والسفر والذي منو وفوق لى كده رئيس النادي المحظور من دخول السودان يقدر يجي مصر او اثيوبيا و(يتجدع) بالتي شيرت الاحمر.. ناس المريخ بلوكو في موضوع ملعب الهلال ده عشان يشغلو لجنة التطبيع من شغلاتا الحقيقية وتدخل كمان هي ذاتا في صدام مرهق مع جماهير الهلال.. المريخ ح يلعب بره.. بنو صهيون ديل شغالين يلعبو خارج الملعب.. وناسنا ديل (على عماهم) شغالين يا ايدي شيليني ختيني في (السنغالي) ولا (جمعة قلق)..
(4)
وقلت له ايضا: (يعني الاتحاد العام ده في موضوع (اجازة الملعب) كان معانا وساكن حدااااانا.. وفي خرق اللوائح واضافة اجنبي سادس، بقى اتحاد ما نافع ومساند للمريخ.. ارسوا ليكم على بر.. واحتكموا للائحة خمسة ولا ستة.. وما اي خطأ نستأجر ليهو (مبرراتية).. وشيالين دلاليك.
(5)
