عمر ود الحداد يكتب : النور جادين الاتحادي
فيكم زول متذكر النور جادين؟ معظمكم حيقول ده منو؟ . النور جادين يا سادتي ده الزول الفصل الصادق المهدي من حزب الأمة.
اليوم بيان مجهول المصدر معلوم من يقف خلفه قال ان هيئة القيادة في التجمع الاتحادي قامت بفصل بابكر فيصل وودالفكي وأيمن خالد وجعفر حسن ومامون فاروق . من التجمع الاتحادي
طيب سين سوال هيئة القيادة دي فيها منو ما يقولو اسماءهم هل خجلانيين منها مثلا؟
قول اجتمعنا نحن فلان وفلان وفلان فصلنا المذكورين أعلاه لكن طبعا خايفين من السؤال السوداني اللديح ديل ناس منو؟
بالصدفة المحضة طبعا واحتفالا بالشهر الكريم تضامنت كل الصفحات المشبوهة مع البيان وحملته الى أقصى مكان في الكرة الأرضية مع افتتاح اجتماع الهيئة القيادية لي( تقدم) صباح اليوم في أديس أبابا، بل ان البهجة شملت حتى الانصرافي الذي يريد إصلاح الاحزاب حتى تعم فيها الديمقراطية.
ومن محاسن الصدف أيضا وتوحيدا للمسيرة القاصدة جاء هذا العمل الجبار بعد مذكرات وبيانات حزب الأمة يوم امس
السؤال الذي يطرح نفسه لماذا تأخر نور صلاح حتى الآن من الادعاء ان المؤتمر السوداني صنيعة اماراتية لعل المانع خير طمنا على صحتك؟
نور صلاح، وصلاح عبدالله تنسيقهم الحزبي ١٠٠٪
َصلاح عبدالله المقصود ليس صلاح عبدالله قوش وإنما صلاح عبدالله من سكان جبرة دبلوم سنتين هندسة وعضو سابق بالتجمع الاتحادي.
هو ونور صلاح شغالين كويس جدا من أجل الديمقراطية داخل الاحزاب وشغلهم يحظى بتشجيع كل محبي الديمقراطية من لدن الانصرافي وعشة الماجدي حتى حسين ملاسي
المهم ماشين في السكة نمد
وديل طبعا حكايتهم تانية ناس السكة، ديل البوم البعجبو الخرابعمر
