خليل المرضي يكتب : رئيس فضيحة وشيال حال
▪️ (دا ود قليل ادب..)
▪️بمثلما دخل حازم المريخ (تووش) الي (متن) رسالتة الكارثية، سادخل اليكم من باب الخروج عن اي مسؤولية او (نص) يخدش حياؤكم ..
لضآلة المحتوى الذي تحمله الرسالة … وسوقيتها وو ……
▪️ (ابو طيفور)…. دا انا بتكلم، معاهو من هو في مصر،،، بلف ويدور ياخ دا داير يشتري ليهو بيت في واشنطن ياخ ديل ناس هاملين، شابكني ولدي محترف وولدي (شيطان..)
▪️ الزول دا مووو ناافع، لو منو رجااا كان قعد في اميريكتو دي.. عاجبوا الضغط الجماهيري بس..
▪️ زملاهو متشاكلين معااو والعندو علاقات بيهم يضرب لي رمضان عجب ولا صلاح نمر..
دا ود قليل ادب….متعالي . هو فاكر الكورة في (شعيراتو)
▪️ الكلام القالوا مزمل في مقالوا دا كلو غلط. الكلام دا فيهو سياسة وانا لو اتكلمتا بفرتق المريخ..
▪️ مزمل هو القدمني وكتب عني وهسي داير يعيد (الكره) مع ايمن مبارك.
الداير يستلم المريخ دا يجي بالليل دا يستلموا
▪️ اتوو ما عارفين حاجة ساااي ياخ الليلة دي انا دافع (200000) دولار من فنادق وغيرو…
▪️والله العظيم بتودوا المريخ في دهية.. يقول ليك الانتقاد والصحافة
بالله بلا صحافة مريخية بلا كلام فاارغ..)
▪️ تعليق…
▪️ (ياخ الزول دا فجاغ لمن بي غادي..
بقوم بي رقم (4) وما عندو فرامل..
زول فضيحة وشيال حال ولسانو متبرئ منو زي (القونات)
▪️ الحمد لله علي نعمة الهلال والحمد لله الذي جعل لنا رئيسا يعرف كيف يتحدث ومتي (يتكلم) وماذا يقول
▪️ (لا يضج ولا يثور.. وتراه يبسم هازئا في غمرة الخطب الكريه)..
▪️ وبعد دا عندنا (مليون) راي في كثير من قرارته المؤدجلة والتي قد تمس قيم و(شخصية) الهلال الطاغية..
▪️ شوفتوا الهلال دا عظيم كيف
▪️ اها دا رئيسم (المتغرب) حازم
اما نائب رئيسم.. (جكمو) فمازال يولول.. يرغي.. ويزبد.. ويرسل هطرقاته عبر اسلاك الهواتف ومنصات الاسفير ومكاتب رامي وجوالات (النائب) العليقي،، يهدد (باللعب في استاد الهلال) رجالة وحمرة عين
▪️ الفتنة نائمة.. لعن الله من ايقظها… حتي لا يتطور الامر نسكت عن الخوض في تفاصيله… او مجرد الرد..
▪️ يجب وقف (التلاسن) الدائر في هذا الاطار (المؤذي)..
▪️ وعلي المجلس اصدار قرار (عاجل) وتاريخي بحظر المريخ نهائيا من اللعب في استاده، الا لضروريات التنافس المحلي…
▪️ آن الآوان
لكي (نبقى حزمة.. كفانا مهازل)
